Në konfliktin në Siri janë vrarë më se 1,000 mijë luftëtarë iranianë, ka thënë shefi i Fondacionit të Martirëve të Iranit, Mohammadali Shahidi Mahallati.
“Tash numri i martirëve të Iranit si mbrojtës të tempujve, e ka kaluar numrin 1,000”, tha zoti Mahallati.
Fondacioni i mbështet të afërmit e të vrarëve iranianë gjatë luftës në Siri.
“Mbrojtësit e tempujve” është shprehje që përdoret në Iran, me të cilën u bëhet referencë forcave iraniane të vendosura në Siri, në mbështetje të qeverisë së presidentit të Sirisë, Bashar al-Assad, që është aleat rajonal i Iranit.
Irani pretendon se luftëtarët janë “vullnetarë”, që kanë udhëtuar në Siri për t’i mbrojtur vendet fetare dhe tempujt e shiitëve.
Teherani është mbështetësi kryesor i qeverisë së Sirisë, duke e ndihmuar që të mbetet në pushtet nëpërmjet ndihmës financiare dhe ushtarake.
