Ushtria siriane tha se ka rimarrë kontrollin edhe të një qarku tjetër nga rebelët në Alepo, por luftëtarët opozitarë i mohuan këto pretendime dhe u zotuan se do të vazhdojnë luftën kundër regjimit të presidentit Bashar al-Assad.
Forcat e Assadit thanë se kanë nën kontroll të plotë qarkun Sheik Saed.
Vëzhguesi Sirian i të Drejtave të Njeriut, duke cituar rebelët, tha se ata kontrollojnë një të tretën e kësaj lagjeje.
Gjatë javës së kaluar, rebelët kanë humbur një të tretën e zonave në lindje të Alepos, të cilat i kanë pasur nën kontroll qysh në vitin 2012.
Rreth 50,000 civilë kanë ikur nga qarqet e rrethuara qysh në fundajvë.
Të mërkurën, Vëzhguesi tha se sulmet ajrore të regjimit dhe të Rusisë janë intensifikuar dhe kanë lënë të vrarë së paku 45 civilë.