Koreja e Jugut lëshon fletarrest për shefin e Samsungut

Azia

Koreja e Jugut lëshon fletarrest për shefin e Samsungut

Më: 16 janar 2017 Në ora: 17:19
Prokurori special i Koresë së Jugut

Prokurori special i Koresë së Jugut ka kërkuar arrestimin e shefit të Samsung-ut, Lee Jae-yong, nën akuzat për ryshfet, përvetësim dhe dëshmi të rreme.

Rasti është i lidhur me një skandal, që ka çuar në shkarkimin e presidentes koreane-jugore, Park Geung-hye.

Gjiganti i teknologjisë, Samsung, thuhet se ka dhënë donacione për fondacione jofitimprurëse, të operuara nga Choi Soon-sil, mik i zonjës Park, nën këmbim të favoreve qeveritare.

Samsung ka thënë se lëshimi i urdhrit për arrestim është “vështirë të kuptohet”.

Gjykata e Qarkut në Seul tani duhet të vendosë nëse do të zbatojë urdhrin. Nëse ndodh, Lee do të ishte ekzekutivi i parë që arrestohet në lidhje me skandalin, transmeton gazeta shqip.

Lee është aktualisht nënpresident i Samsung-ut, por prejse babai i tij, Lee Kun-hee, ka pësuar sulm në zemër më 2014, ai konsiderohet shef de facto i kompanisë.

Sot mund të lexoni Shfletoni kopertinat