Të paktën pesë persona gjetën vdekjen kur një kamion doli nga rruga dhe përplasi në seri disa shtëpi. Ngjarja ka ndodhur në veriperëndim të Kinës në qarkun Haiyuan të martën.
Pamjet e kamerave të sigurisë tregojnë momentin kur kamioni shkatërron shtëpitë.
Aksidenti ka ndodhur pasi shoferi besohet se ka pasur probleme me frenat. Të paktën tre shtëpi janë rrëzuar, ndërsa shoferi mbeti i vdekur në çast.
Katër të tjerë vdiqën më vonë. Një video tjetër e filmuar më vonë tregon rrënojat që la pas aksidenti i frikshëm.
Një person që ndodhet përpara kamionit dhe që duket se do të përplasej fatalisht, ka shpëtuar për mrekulli.
