Forcat irakiane të sigurisë kanë sulmuar aeroportin e Mosulit, në përpjekje për të rikthyer kontrollin e qytetit nga grupi militant Shteti Islamik.
Ato po ashtu kanë sulmuar një kamp ushtarak pranë, tha televizioni shtetëror.
Aeroporti dhe baza al-Ghazlani janë në rrethina të Mosulit, në anën perëndimore të Lumit Tigër.
Forcat irakiane tashmë i kanë dëbuar militantët islamikë nga ana lindore e qytetit.
Mbi 160,000 njerëz kanë ikur nga shtëpitë e tyre në dhe përreth qytetit.
Mosuli ka rënë nën kontrollin e Shtetit Islamik qysh në vitin 2014.