Ambasadorja e SHBA-ve në Kombet e Bashkuara, Nikki Haley, ka akuzuar udhëheqësin e Koresë së Veriut Kim Jong-un se është në një "gjendje paranoje", pas një testimi tjetër të raketave balistike.
Testi ishte një mesazh për Korenë e Jugut, disa ditë pasi presidenti i ri mori detyrën, tha ajo për ABC News.
SHBA do të vazhdojnë të "shtrëngojnë vidat" në Korenë e Veriut, tha Haley.
Zyrtarët japonezë thonë se raketa, e cila u nis nga pjesa veriperëndimore e Kusong, arriti në lartësi prej 2,000 km.
Presidenti i ri i Koresë së Jugut, Mun-Jae-in, i cili po kërkon një angazhim më të thellë rreth asaj të Veriut, tha se testi ishte një "provokim i pamatur".
Presidenti i SHBA-ve Donald Trump , ka bërë thirrje për "sanksione më të forta" kundër Koresë së Veriut, ndërsa Kina është duke kërkuar kufizime lidhur me këtë çështje.