Në sulmin vetëvrasës me auto-bombë në konvojin e pjesëtarëve të forcave të sigurisë në lindje të Afganistanit kanë humbur jetën të paktën 18 persona, njoftuan të shtunën zyrtarë afganë.
Cak i sulmit ishin rojat që siguronin forcat amerikane në provincën Host, megjithatë, numri më i madh i viktimave ishin civilë. Tash për tash askush nuk e ka marrë përgjegjësinë për sulmin.