Të paktën 19 civilë janë vrarë në përleshjet e vazhdueshme midis forcave të armatosura të Filipineve dhe kryengritësve islamikë në qytetin Marawi, thonë zyrtarët ushtarakë.
Ushtria po përpiqet të rimarrë Marawin, në ishullin Mindanao, vend ky i mbajtur deri më tani nga xhihadistët.
Tetë nga të vdekurit u gjetën në një luginë jashtë qytetit, me duar të lidhura dhe plagë në kokat e tyre nga armët e zjarrit.
Të tetë viktimat besohet të jenë marangozë të cilët ishin pjesë e një konvoji evakuimi të ndaluar nga rebelët të shtunën.
Ata besohet se janë vrarë pasi nuk ishin në gjendje të recitonin ekstrakte nga Kurani.
