Një ushtar i Koresë Veriore ka ikur në Korenë Jugore duke notuar përgjatë lumit Han, raporton BBC.
Ky është dezertimi i dytë brenda një jave nga ushtria koreano-jugore.
Shefat e Shtabit të Përgjithshëm të Koresë Jugore njoftojnë se i dezertuari kishte notuar nëpër një pjesë të lumit me rrjedhje të shpejtë pasi që kishte vendosur ndihmese në shpatulla për të qëndruar mbi ujë.
Javën e kaluar, një ushtar i Koresë Veriore e kaloi në këmbë kufirin e ruajtur fort që i ndan dy vendet.
Në të kaluarën, një ushtar në vit mesatarisht ka dezertuar nga ushtria e Koresë Veriore.
I dezertuari më i fundit, që besohet se është në të 20-at e tij, ishte vërejtur në Gimpo, në perëndim të kryeqytetit të Koresë Jugore, Seul, raporton agjencia e lajmeve Yonhap.
Ai i kishte bërtitur një marinse të Koresë Jugore: “Mos më vrisnin, kam ardhur këtu si i dezertuar.”
I dezertuari tani do të merret në pyetje nga zyrtarët e ushtrisë së Koresë Jugore.
