Forcat e Irakut e kanë rimarrë kontrollin ndaj një qyteti dhe disa fshatrave të okupuara nga grupi ekstremist, Shteti Islamik (IS), në të njejtën ditë kur aktivistët opozitarë sirianë thanë se IS-i e ka rimarrë kontrollin në qytetin Al-Bukamal në Siri, pas luftimeve të ashpra me trupat qeveritare.
Komandanti irakian, Abdelamir Yarallah, tha se qyteti Rumana dhe 10 fshatra, dje janë çliruar nga Shteti Islamik.
Njëherësh, qyteti Al-Bukamal, që ndodhet matanë kufirit sirian, dje ka rënë nën kontrollin e IS-it, kanë thënë dy aktivistë opozitarë në Siri.
Para tri ditësh, ushtria e Sirisë pat njoftuar se e kishte “çliruar” qytetin Al-Bukamal, që ishte baza e fundit e IS-it në Siri. Por, militaantët e IS-it u tërhoqën nga qyteti dhe ndërmorën kundërofensivë gjatë dy ditëve të kaluara.
