Afganistan: Është vrarë një komandant i talibanëve - Bota Sot
Afganistan: Është vrarë një komandant i talibanëve

Azia

E hënë, 11 dhjetor 2017

Afganistan: Është vrarë një komandant i talibanëve

Më: 3 dhjetor 2017 Në ora: 13:09
Afganistan

Komandanti taliban i të ashtuquajturave “forca speciale”, Mullah Shah Wali, është vrarë nga forcat afgane, thuhet në kumtesën e sotme të agjencisë kryesore të inteligjencës së Afganistanit.

Drejtorati kombëtar për siguri tha se ky komandant taliban, i njohur edhe me emrin, Mullah Naser, ishte vrarë gjatë një operacioni ajror në provincën Helmand, javën e kaluar.

Kjo provincë, e njohur për tregti me drogë, është bazë e fuqishme e talibanëve.

Para tri vitesh, Wali ishte bërë komandant i grupit taliban me emrin “Njësia e Kuqe” dhe guvernator në hije në provincën Helmand. Ai ishte direkt i përfshirë në ofensivat e talibanëve, theksohet në kumtesë.

Së bashku me Walin janë vrarë edhe tre bashkëpunëtorë të tij të afërt, gjatë operacionit në rajonin Musa Qala të Helmandit.

Sot mund të lexoni Shfletoni kopertinat
Sondazh
    test