Kabul: Nga sulmi vetëvrasës – dhjetëra të vrarë dhe të plagosur - Bota Sot
Kabul: Nga sulmi vetëvrasës – dhjetëra të vrarë dhe të plagosur

Azia

E martë, 21 gusht 2018

Kabul: Nga sulmi vetëvrasës – dhjetëra të vrarë dhe të plagosur

Më: 27 janar 2018 Në ora: 13:09
Pamje e spitalit të emergjencës në Kabul ku janë sjellur viktimat e sulmit të sotëm masiv vetëvrasës

Zyrtarët thonë se së paku 40 vetë janë vrarë dhe afro 140 të tjerë janë plagosur, nga sulmi masiv vetëvrasës me makinë-bombë, në pjesën qendrore të kryeqytetit Kabul në Afganistan.

Zëdhënësi i Ministrisë së shëndetësisë, Wahibullah Majrooh, tha se numri i të vrarëve mund të rritet, pasi viktimat ende janë duke u sjellur në spitale në gjithë qytetin.

Zëvendësshefi i policisë në Kabul, Haqnawaz Haqyar, tha se sulmi ka ndodhur sot pas mesditës, sipas kohës lokale, në Sheshin Sadarat, afër ndërtesave qeveritare, ambasadave të jashtme dhe objekteve tregtare.

Zëdhënësi i talibanëve, Zabihullah Mujahid, ka pretenduar se këtë sulm e kanë kryer militantët talibanë.

Sipas Ministrisë së brendshme afgane, sumuesi e ka shfrytëzuar një autoambulancë për t’i kaluar kontrollet dhe pastaj e ka aktivizuar eksplozivin në makinë.

Komentet
comments powered by Disqus
Sot mund të lexoni Shfletoni kopertinat
Sondazh
test