Peja ishte shumë më e mirë se Trepça nga Mitrovica dhe shënoi fitore bindëse me rezultat 74:57 (16:26, 17:16, 22:9, 19:9), në ndeshjen derbi të Superligës së Kosovës në basketboll. Pejanët dëshmuan lojë jashtëzakonisht të mirë sidomos në dy çerekët e fundit, kur edhe thelluan fitoren. Në 20 minutat e parë, Trepça ishte më e mirë, madje krijoi epërsinë deri në nëntë pikë (33:42). Ndërkaq, dy çerekët e fundit ishin fatal për mitrovicasit, ndërsa Peja tregoi mbrojtje të fortë dhe efikasitet. Cameron Rundles me 21 pikë, i ndihmuar nga Alban Veseli me 20 sosh ishin me të merituarit për këtë fitore, ndërsa Jeremy Wise dhe Nikola Ljujiq shënuan 13 pikë për Trepçën.