Karpos Sokoli është nikoqire e Pejës të mërkurën mbrëma me fillim nga ora 19:00 në Shkup të Maqedonisë në kuadër të Grupit B në Sigal Uniqa Ligën Ballanike (BIBL).
Karpos-i shpreson në fitore në mënyrë që të mbaj gjallë shpresat për një vend në fazën e dytë të Ligës Ballkanike. Maqedonasit aktualisht kanë 2 fitore e 5 humbje, andaj një disfatë nga Peja do t'ua humbte gjasat për avancim tutje.
Në anën tjetër Peja ka bilanc prej 3 fitore e 1 humbje dhe ka ende disa ndeshje për të luajtur deri në përmbyllje të fazës së parë të BIBL-it.
Verdhezinjtë janë në pozitë shumë të mirë në grup, por ende kanë punë për të bërë në ndeshjet në vazhdim.
Një fitore eventuale ndaj Karpos-it sonte do të ishte shumë e mirëseardhur për pejanët, pasi që ata do të forconin edhe më shumë pozitën e tyre në grupin B, raporton FBK.
