Mbrëmë janë zhvilluar nëntë ndeshje në kuadër të ligës më të fortë të basketbollit në botë NBA.
Golden State Warriors ka arritur tek fitorja e 33 sezonale pas triumfit kundër Miami Heat, të cilën e mposhti me 12 pikë diferencë 107:95.
Vetëm në çerekun e parë Miami ishte më i mirë se Warriors (29:27) ndërsa Golden State krijoi epërsi solide në periudhën e tretë të takimit (79:68).
Kevin Durant ishte basketbollisti më efikas te nënkampioni me 28 pikë ndërsa Stephen Curry shtoi 24 pikë, 8 kërcime dhe 9 asistime. Vlen të theksohet se Klay Thompson u pushua në këtë ndeshje.
Te Miami, Hassan Whiteside ishte koshashënuesi më i mirë duke regjistruar ‘double-doble’ fantastik me 28 pikë dhe 20 kërcime.
Pas kësaj, Golden State ka bilanc prej 33 fitoreve e gjashtë humbjeve ndërsa për Miamin kjo ishte humbja 29 kundrejt 11 fitoreve.
Rezultatet tjera:
Chicago Bulls 99:101 Washington Wizards
Boston Celtics 106:114 Toronto Raptors
Atlanta Hawks 117:97 Brooklyn Nets
Charlotte Hornets 114:121 Houston Rockets
Milwakee Bucks 109:107 San Antonio Spurs
Cleveland Cavaliers 92:100 Utah Jazz
Portland Trail Blazers 108:87 Los Angeles Lakers
Detroit Pistons 94:100 Sacrmaneto Kings
