Derbi i javës së 15-të në Superligën e Kosovës në basketboll ndërmjet Bashkimit dhe Prishtinës, i ka takuar kësaj të fundit.
Prishtina e nisi më mirë takimin duke udhëhequr në çerekun e parë me rezultat 8-14, në çerekun e dytë vendasit u treguan më efikas duke shënuar 19 pikë, kundrejt 14 sa shënoi Prishtina.
Çereku i tretë i takoi mysafirëve që kishin shënuan dy pikë më tepër 17-19, dhe në fund Prishtina shënoi fitore me vetëm dy pikë epërsi 63-65.
Më i miri në radhët Bashkimit ishte Kayel Locke që shënoi 18 pikë, 10 kërcime dhe bëri një asist. Kurse u ndihmua nga Marko Popoviq që shënoi 17 pikë, dhe pati 8 kërcime.
Kurse te Prishtina shkëlqeu Drilon Hajrizi me 16 pikë, 6 kërcime dhe 5 asistime. Ai u ndihmua nga Jabarie Hinds që shënoi 12 pikë, pati 2 kërcime dhe 4 asiste.
