Ka filluar niveli i dytë i kursit për trajnimin e trajnerëve të Federatës së Basketbollit të Kosovës.
Kursi po mbahet në sallën e Kolegjit ISPE, që ndodhet në lagjen Marigona, në magjistralen Prishtinë - Ferizaj.
Ligjërues është eksperti i FIBA-s, slloveni Anton Krump, kurse ligjëratat po i ndjekin trajnerët, të cilët vitin e kaluar e kanë kryer me sukses nivelin e parë.
Ky është kursi tetë i organizuar këtë vit nga Komiteti Olimpik i Kosovës.KOK, bazuar në ciklin olimpik 2017 – 2020, mbështet ngritjen e kapaciteteve të trajnerëve, ku falë mbështetjes që ka marrë nga Solidariteti Olimpik i Komitetit Olimpik Ndërkombëtar, do të organizojë 11 kurse për trajnimin e trajnerëve.
Të njëjtën kohë po vijon edhe kursi bazik për administratorë të sportit, maratona e të cilit do të mbyllet javën e ardhshme me kursin e 14-të, që do të mbahet pikërisht për Federatën e Basketbollit të Kosovës.