Ambasadori britanik, Ruairí O'Connell ka uruar kombëtaren e basketbollit të Kosovës për fitoren ndaj Qipros.
“Urime Basketball Federation of Kosovo. Edhe një herë rinia e Kosovës ka treguar çka mund të arrijë Kosova nësë kushtet krijohen për të rinjtë. Ju lumtë”, ka shkruar ai në Facebook.
Kombëtarja e Kosovës u18 në basketboll ka fituar ndaj Qipros në finalen e Kampionatit Evropian të Divizionit C.
Kosova fitoi përballje në Pallatin e Rinisë dhe Sporteve me rezultatin, 73-64.
Pas kësaj fitore, Kosova ka arritur vendin e parë në këtë turne edhe gjithashtu ka siguruar pjesëmarrjen në Divizionin B për vitin e ardhshëm.
Në çerekun e parë, Kosova ishte largë më e mirë dhe fitoi me rezultatin 23:7.
Kosova ishte më e mirë edhe në çerekun e dytë, të cilin e fitoi me rezultat 16:13.
Edhe në pjesën e dytë, Kosova zhvilloi ndeshje jashtëzakonisht të mirë – ku si përfundim fituan me rezultatin 73-64.
Vlen të theksohet se në gjysmëfinale Kosova shënoi fitore ndaj Irlandës, ndërsa Qipro e mposhti San Marinon.
