Kombëtarja e Shqipërisë U-18 në basketboll për femra ka përfunduar sot aventurën e saj në Kampionatin Europian të Basketbollit, ku luajti në Divizionin B, takimet e të cilit u zhvilluan në Austri. Vajzat kuqezi të drejtuara nga trajnerja Mirza Alibagaj, u renditën në vendin e 21-të mes 24 ekipeve pjesëmarrëse, duke korrur vetëm 2 fitore në 8 ndeshje të luajtura.
Ndeshjet e fazës së grupeve ishin zhgënjyese për kombëtaren U-18, që u mund në të pesta takimet e luajtura: Ndaj Greqisë, Izraelit, Lituanisë, Bullgarisë dhe Zvicrës. Me humbje nisi edhe aventura për vendet 17-24, ku vajzat shqiptare u mundën nga Norvegjia, ndërkohë që dy takimet e fundit sollën edhe fitoret e vetme në Europian. Shqipëria fitoi fillimisht ndaj Norvegjisë dhe sot ndaj Kosovës, duke u klasifikuar në vendin e 21-të.
Rezultatet teknike të kombëtares U-18 vajza
Shqipëri – Greqi, 50-87
Shqipëri – Izrael, 43-93
Shqipëri – Lituani, 38-130
Shqipëri – Bullgari, 60-87
Shqipëri – Zvicër, 56-70
Shqipëri – Islandë, 50-89
Shqipëri – Norvegji, 76-50
Shqipëri – Kosovë, 63-61