Zyrtare: Kyan Anderson në Prishtinë

Basketboll

Zyrtare: Kyan Anderson në Prishtinë

Më: 19 gusht 2018 Në ora: 10:09
Kyan Anderson

Pas zyrtarizimit të trajnerit, sot ekipi i Prishtinës ka zyrtarizuar edhe një përforcim. Bëhet fjalë për organizatorin amerikan Kyan Anderson.

'Playmakeri' 26 vjeçar ishte pjesë e kolegjjt TCU, ku për katër vite kishte performancë të jashtëzakonshme, duke u bërë njëri ndër koshashënuesit më të mirë në histori të këtij kolegji.

Si profesionist Anderson karrierën e nisi në Belgjikë te Okapi Aalstar. Te ekipi belg, organizatori amerikan ishtë koshashënuesi më i mirë i ekipit me 15.9 pikë për ndeshje. Njëkohësisht, përkundër parashikimeve, dërgon ekipin e tij në finale të kampionatit.

Performanca e tij e mirë në ligën belge i tërhoqi vëmendjen ekipit nga Bundesliga e Gjermanise, Medi Bayreuth, të cilët "rrëmbyen" Andersonin. Në Bundesliga, Kyan vazhdoi me performancë shumë të mirë, duke përfunduar sezonin në vend të katërt me mesatare prej 12 pikëve për ndeshje. Në playoff Kyan dhe bashkëlojtarët e tij humbin nga finalisti EWE Basket.

Nga Bundesliga, destinacioni i ardhshëm i Kyan bëhet Liga A e Francës, më saktësisht në ekipin e famshëm, Pau Orthez.  Pau Orthez, nëntë herë kampion i Francës dhe ish gjysmëfinalist i Euroleague. Sikurse në ekipet paraprake edhe në Francë, Anderson tregoi kualitetin e tij, duke luajtur me mesatare prej 9.3 pikëve për ndeshje e 4.4 asistime.

commentFirst article
Sot mund të lexoni Shfletoni kopertinat