Kombëtarja e Kosovës do të paraqitet me 6 boksierë në turneun ndërkombëtar “Gongu i Artë” që mbahet në Shkup. Zëdhënësi i Federatës së Boksit të Kosovës, Latif Demolli, tha se shkojnë për të arritur sa më shumë medalje në këtë turne të rëndësishëm. “Turneu mbahet me 8 deri me 12 nëntor.
Kosova përfaqësohet me boksierët e rinj: Shpejtim Bajoku (56 kg) e Patriot Behrami (64 kg), ndërsa seniorët: Violant Sylejmani (64 kg), Venhard Haziraj (69 kg), Armend Neziri (75 kg), Fisnik Muharremi (91 kg)”, tregon Demolli. Përzgjedhësi Shefki Bogujevci së bashku me trajnerin Kreshnik Shala, kanë përgatitur ekipin mjaft mirë për betejat e reja.