Dikur shokë shumë të mirë jo vetëm në aspektin sportiv, por sot janë të ndarë dhe nuk duan pothuajse ta shohin njërin tjetrin me sy! Fatmir Makolli është kryetar i Federatës së Kick-Box-it të Kosovës, dy mandate ishte bashkë me Hasanin dhe kishin raporte të mira. Makolli nuk e mban më fsheh pse u prish “me shokun e jetës sportive”.
“U prishem për arsye që Besim Hasani, vizionin e vetë në Komitet filloj të shtremboj, dhe at vizion të disfavorshëm për sport e pa të mundshme vetëm me njerëz të politikës dhe njerëz që kurrë nuk kanë dhënë për sportin. Për ndryshe me defektet e tija, vetëm politika e Kosovës e mban atë në sport. Në Komitet kam qenë dy mandate dhe kam qenë i zgjedhur si sportist i Shekullit, dhe në këtë bazë i kam marrë votat.
Prandaj, jam i nderuar që nuk jam në këtë bord, me përjashtime të vogla, aty nuk ka njerëz të sportit. Të jeni në bord të KOK-ut, njerëz të cilët nuk e kanë asnjë ditë në sport, është e dhimbshme. KOK-u është bërë si parti politike. 40 vjet jam në sport, pjesën dërrmuese nuk i kam takuar as si shikues. Është e dhimbshme sporti të politizohet deri në këtë mënyrë”, thotë Makolli për gazetën kombëtare “Bota sot”.