Për nder të 10 vjetorit të Pavarësisë së Kosovës, më 17 Shkurt në Glattbrug afër Cyrihut , do të organizohet mbrëmja “Boxing Night Ziruch”, me protagonisti kryesor Labinot Xhoxhaj i cili do të ndeshet me Joszef Darmos i cili vjen nga Hungari. Për këtë ndeshje, Xhoxhaj thotë se është përgatitur maksimalisht dhe pret fitore. “Përgatitjet për këtë duel mund të them lirisht se kanë shkuar shumë mirë dhe ndihem në formë të shkëlqyer. Unë dhe stafi im e kemi analizuar shumë mirë kundërshtarin dhe jam i vetëdijshëm që s’ka me qen duel i lehtë për mua, por jam i bindur se do të arrij deri tek triumfi”, deklaroi për “ArenaRing”, Xhoxhaj Ndryshe, në këtë spektakël në ring do të paraqitet edhe Ramadan Hiseni I cili do të ndeshet me Robakidze Nodari (Gjeogji).
