Pak ditë më parë Cristiano Ronaldo u përfol për një “tentativë tradhtie” ndaj të dashurës dhe nënës së vajzës së tij, modeles Georgina Rodriguez.
Në mediat britanike qarkulloi një mesazh, ku sipas informacioneve ishte dërguar nga vetë futbollisti drejt një modeleje të fejuar, Rhian Sugden, teksa i kërkonte kësaj të fundit ta telefononte në privat pasi ndodhej vetëm në një dhomë hoteli.
Por ndërsa vetë ylli portugez nuk ka bërë asnjë reagim lidhur me këtë ngjarje, partnerja e tij nga ana tjetër ka vijuar me publikimin e disa fotove familjare në rrjetet sociale.
Së fundmi bukuroshja ka pozuar me të bijën dhe dy binjakët e Ronaldos, teksa shihen duke kaluar kohë së bashku në një kënd të shtëpisë së tyre.
Duket se kjo ka qenë një përgjigje për të gjithë ata që aluduan se mes çiftit mund të kishte një zënkë serioze për rastin e sipërpërmendur.
