Një person, identitetin e të cilit autoritetet ende nuk e kanë bërë me dije, ka kërcënuar me jetë supermodelen Bella Hadid.
Kishte nisur që në dhjetorit e vitit të kaluar të përndiqte supermodelen, por vetëm ditën e djeshme policia ka arritur ta arrestojë atë.
TMZ njoftoi se 37-vjeçari i paidentifikuar u kap nga policët jashtë apartamentit të modeles, në kohën kur ajo lajmëroi autoritetet për praninë e tij jashtë banesës së saj.
21-vjeçarja ka qenë duke u kthyer në shtëpinë e saj, ndërkohë që ka vënë re praninë e personit, i cili e ruante atë prej kohësh, por që gjithashtu i dërgonte mesazhe nëpërmjet rrjeteve sociale, ku e kërcënonte se do e vriste atë por edhe familjen e saj.
