Dua Lipa ka filluar turneun e saj në Britaninë e Madhe dhe Irlandë, dhe çfarë fillimi ishte ky!
Këngëtarja nga Prishtina arriti që të stërmbushë arenën e Dublinit, duke e bërë të dukej si një teatër i ngushtë ku fansat mezi i zinte vendi.
E veshur plot stil në atlete të bardha, me sutjena të kaltra, Dua Lipa shfaqet tejet atraktive në këtë performancë.
Grimi i thjeshtë dhe flokët pa shumë komplikim e bënë atë të dukej tejet natyrale në këtë performancë.
Këngëtarja shqiptare performoi hitet e saj më të mëdha në këtë paraqitje të radhës skenike të saj.
Me grupin e saj të valltarëve, Dua nuk hezitoi që edhe vet të bënte lëvizje interesante në skenë.
Dua Lipa do të vazhdojë turneun e saj për një natë të dytë në Dublin para se të vazhdojë në vendet tjera në Britaninë e Madhe.