‘Diamantët janë miku më i mirë i grave’ prandaj nuk është çudi që hera e parë kur Kate Hudson doli publikisht pasi u bë e ditur se është shtatzënë ishte për hapjen e dyqanit të diamantëve, Harry Winston.
Edhepse aktorja 38 vjeçare shkëlqente me qafore dhe byzylyk nga diamantët nga po kjo markë, të gjithë sytë ishin në barkun e saj të fryrë.
Hudson përmes një videoje bëri të ditur se ajo dhe i dashuri i saj, Danny Fujikawa janë duke pritur fëmijën e tyre të parë, që është edhe fëmiu i tretë i aktores.
Ajo ka dy djem, Ryder Russell (14) dhe Bingham Hawn (6 vjeç e gjysmë) derisa shpejt do të bëhet nëna e një vajze.
“Surprizë. Nëse keni pyetur veten se pse kam munguar në rrjete sociale, atëherë duhet ta dini se kurrë nuk jam ndjerë më e sëmurë se kohëve të fundit”, ka thënë ajo në këtë video.
“Ky ishte tremujori i parë i shtatzënisë që jam ndjerë më së keqi nga të gjitha shtatzënitë e mia”, ka vazhduar tutje ajo, duke thënë se vetëm duke menduar për të postuar në rrjete sociale e ka bërë të ndjejë mundim.
Një burim pranë çiftit për revistën People ka thënë se “ata janë shumë të lumtur pasi ka kohë që kanë kërkuar të kenë një fëmijë”.