Ylli i realitetit i ka bërë thirrje qeverisë amerikane të ndërmarrë një hap përpara në njohjen e gjenocidit ndaj armenëve, me rastin e shënimit të 103-vjetorit të saj.
Kim këtë thirrje e ka bërë përmes rrjetit social Twitter.
“Shpresoj se SHBA-të mund të pranojnë gjenocidin armenas. Kurrë mos harroni”, ka shkruar ndër të tjera ajo.
Në postimet e mëhershme, Kardashian është shprehur krenare me prejardhjen e saj armene.
Kjo nuk është hera e parë që 37-vjeçarja përdorë platformën globale për të ngritur vetëdijen rreth gjenocidit gjatë të cilit 1.5 milion armenas u vranë nga Perandoria Otomane.