Javë më parë është raportuar se Nick Jonas i kishte propozuar martesë së dashurës së tij Priyanka Chopra.
Vetëm pak kohë pasi që ishte zbuluar lidhja e tyre nga mediat.
Por, çifti i njohur ka befasuar të gjithë pasi kanë publikuar fotografi në profilet e tyre në Instagram të veshur me veshjet tradicionale indiane dhe duke e shpallur fejesën e tyre, shkruan "Bota sot".
Të gjitha mediat botërore kanë raportuar se Priyanka Chopra e kishte dërguar Nick Jonas në Indi për të njohur familjen e saj, por askush nuk e ka parashikuar se ata do të fejohen me traditat indiane.
Të shumë kanë qenë ata që i kanë uruar çiftin e njohur, por edhe ka pasur kritika për ta për shkak të moshës së tyre, kur dihet se aktorja është një dekadë e më shumë më e madhe se këngëtari amerikan.