Rusia thorë se agjencitë e saja të spiunimit nuk ishin të involvuara në një rrjet të dyshuar për eksport ilegal të komponenteve të teknikës digjitale nga Shtetet e Bashkuara në Rusi, që potencialisht mund të përdoren për gjëra ushtarake.
Prokurorët federalë në Qytetin Nju Jork, mbrëmë i kanë akuzuar 11 pjesëmarrës të dyshuar në rrjet.
Zëvendësministri i jashtëm rus, Sergei Ryabkov, tha se akuzat ishin “të natyrës kriminale dhe nuk kanë të bëjnë asgjë me punën e shërbimeve sekrete”.
Dyshohet se pjesët mikroelektronike të eksportuara në Rusi, janë subjekt i kontrollit të qeverisë amerikane për shkak se potencialisht mund të përdoren në radarët ushtarakë, sistemet e vëzhgimit dhe në aktivizuesit e shpërthimeve.
Prokurorët kanë thënë se në mesin e të dyshuarve gjendet edhe personi kazak me pasaportë ruse dhe amerikane, Alexander Fishenko.
Atë e kanë përshkruar si një agjent rus i paregjistruar.
Tetë prej 11 të dyshuarve, përfshirë Fishenkon, tashmë janë arrestuar.