Arrestohen dy marinarë amerikanë në Okinava - Bota Sot
Arrestohen dy marinarë amerikanë në Okinava

Bota

E martë, 26 korrik 2016

Arrestohen dy marinarë amerikanë në Okinava

Më: 17 tetor 2012 Në ora: 21:52

Policia japoneze ka arrestuar dy marinarë amerikanë nën dyshimet për përdhunimin e një gruaje japoneze në ishullin Okinava, duke shtuar edhe më tej tensionet rreth pranisë së trupave amerikane atje.

Tokio thirri ambasadorin amerikan John Roos dhe i paraqiti një protestë zyrtare në lidhje me incidentin, i cili thuhet të ketë ndodhur të martën në ishullin e Okinavës.

Pas takimit me diplomatë të lartë japonez, ambasadori Roos tha se Washingtoni është “thellësisht i shqetësuar” rreth incidentit dhe do të japë mbështetje të plotë dhe të qartë për hetimin e ngjarjes.

“E kuptoj zemërimin që shumë njerëz ndjejnë për këtë incident. Nuk do të isha i sinqertë nëse do të ju thosha se nuk e ndaj me ju këtë zemërim. Pa e paragjykuar këtë situatë konkrete, për ne është shumë e rëndësishme, ashtu siç kemi bërë edhe në të kaluarën, që të punojmë për të fituar besimin e banorëve të Okinavës dhe popullit japonez në tërësi”, tha Roos, transmeton Zëri i Amerikës.

Shumë banorë të Okinavës, bazës kryesore për ushtrinë amerikane në Japoni, janë të zemëruar me Washingtonin pasi një avion i debatueshëm hibrid i tipit Osprey u dislokua në ishull, megjithë disa shqetësime të sigurisë.

Banorët janë ankuar gjithashtu rreth incidenteve të tjera që përfshijnë trupat amerikane. Incidenti më i rëndë ishte në vitin 1995, kur një vajzë japoneze u përdhunua nga tre ushtarë amerikanë, duke çuar në protesta masive nga banorët.

Në këtë ishull tani ka rreth 23 550 trupa amerikane.

Komentet
comments powered by Disqus
Sot mund të lexoni Shfletoni kopertinat
Sondazh Çfarë tenton të arrijë Thaçi me përuljen që bëri para lapidarit të serbëve në Grackë të Lipjanit?

    Kërkon të “blejë" paqe me Serbinë

    Të heqë akuzat që janë përfolur ndaj tij

    Të mohoj gjenocidin serbë në Kosovë

    Të duket i mirë para ndërkombëtarëve

    Shiko rezultatet
test