Komisioni hetues i OKB-së do të takojë Assadin - Bota Sot
Komisioni hetues i OKB-së do të takojë Assadin

Bota

E premte, 26 gusht 2016

Komisioni hetues i OKB-së do të takojë Assadin

Më: 25 tetor 2012 Në ora: 16:06

Ish-kryeprokurorja e Tribunalit të Hagës, Carla Del Ponte, tani anëtare e komisionit hetues të OKB-së për krimet në Siri, ka thënë se është e sigurt se në shtetin sirian kanë ndodhur krime kundër njerëzimit dhe krime lufte.

Komisioni i OKB-së është duke grumbulluar dëshmi dhe fakte për mizoritë e kryera nga forcat qeveritare siriane dhe luftëtarët rebelë gjatë konfliktit 19 muajsh.

Kreu i komisionit, eksperti Paulo Pinheiro, u ka thënë gazetarëve në Gjenevë se ekipi i tij do të kërkojë takim me presidentin e Sirisë, Bashar al-Assad, për të hetuar akuzat për krime lufte.

“Ne nuk jemi tribunal, nuk jemi organ i ndjekjes penale. Ne ndërtojmë prova për iniciativat e ardhshme gjyqësore, për të bërë përgjegjës autorët e dhunës”, ka thënë Pinheiro.

Pinheiro ka vizituar Damaskun në qershor për bisedime me zyrtarët sirianë, por hetuesve të Kombeve të Bashkuara për krime lufte u është ndaluar hyrja në Siri prejse është formuar komisioni i OKB-së, një vit më parë.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test