Në Londër kanë nisur provat ushtarake për funeralin e ish-kryeministres britanike, Margaret Thatcher.
Mbi 700 anëtarë të forcave të armatosura, nga të tria shërbimet, kanë patrulluar sot në rrugët e Londrës.
Varrimi i Zonjës së Hekurt do të bëhet të mërkurën. Në Katedralen e Shën Paulit pritet të marrin pjesë mbi 2,300 personalitete të ftuara.
Mbretëresha e Britanisë, Elizabeth II, do të jetë e pranishme në ceremoninë e funeralit të një kryeministri britanik, për herë të parë që nga varrimi i Winston Churchilit më 1965.
Ceremonia në Katedralen e Shën Paulit nuk do të jetë e hapur për publikun, por do të transmetohet në televizion.
Thatcher ka qenë kundër varrimit shtetëror. Ajo ka vdekur më 8 prill nga sulmi në tru.
