Policia e ka arrstuar ish presidentin e Pakistanit, Pervez Mussarraf, në selinë e saj në kryeqytetin Islamabad.
Mohammed Amjad, zëdhënës i Musharrafit, tha se ish presidenti do t’i kaloj dy ditë në dhomat e policisë, para se të dërgohet në një gjykatë antiterror.
Amjadi tha se policia e ka arrestuar Musharrafin pasi një zyrtar i lartë kishte dështuar t’i nënshkruaj dokumentet për implementimin e urdhërit të gjykatës për ta arrestuar atë në shtëpinë e tij.
Një gjyqtar ka urdhëruar arrestimin e Musharrafit të Enjten, por ai u largua nga gjykata dhe shkoi në shtëpinë e tij.
Musharraf akuzohet lidhur me shkarkimin e gjyqtarëve në vitin 2007, kur ai e kishte suspenduar Kushtetutën dhe kishte urdhëruar gjendje të jashtëzakonshme.
Në Facebook, zoti Musharraf i ka vlerësuar akuzat si “të motivuara politikisht” .
Ai u kthye në Pakistan në muajin Mars, me qëllim që marrë pjesë në zgjedhjet e 11 Majit. Por, ai është diskualifikuar nga pjesëmarrja në zgjedhje.