Maratona e Londrës po mbahet nën masa të ashpra siguria, pas sulmeve me bomba në maratonën në Boston të Shteteve të Bashkuara, më 15 prill.
Zyrtarët e kanë shtuar numrin e policëve për ta siguruar mbarëvajtjen e kësaj ngjarjeje sportiove, në të cilën marrin pjesë 36 mijë atletë dhe dhjetëra-mijëra shikues.
Atletët janë lutur që të bartin nga një shirit të zi në shenjë të nderimit për viktimat e maratonës së Bostonit.
Maratona në Londër ka filluar me një moment heshtjeje.
Më 15 prill në Boston të Shteteve të Bashkuara, nga sulmet me bomba u vranë tre vetë dhe u plagosën 176 të tjerë.
Policia amerikane e ka zënë 19 vjeçarin Dzhokhar Tsarnaev, i cili është i dyshuar për kryerjen e sulmeve me vëllaun e tij më të madh, Tamerlan Tsarnaev, që është vrarë në shkëmbim të të shtënave me policnë.