Policia turke ka arrestuar 21 persona që dyshohen se janë pjesëtarë të ISIS, në mesin e të cilëve edhe tre të huaj.
Arrestimet u kryen në kuadër të kontrolleve të policisë në disa qytete turke , duke përfshirë Stambollin dhe krahinën e Sanliurfa , në afërsi të kufirit sirian , transmeton agjencia AFP.
Personat e arrestuar dyshohen se kanë ndihmuar ISIS-n që të rekrutojë anëtarë nga Evropa.
Të huaj që u arrestuar në Turqi, nacionaliteti i të cilëve ende nuk dihet, kanë planifikuar që nga Turqia të kalojnë në Siri.
Ky është aksioni më i madh i Policisë në Turqi që është ndërmarr kundër atyre që dyshohen se i përkasin ISIS-it.
Gjatë aksionit policia ka konfiskuar armë, dokumente që i përkasin ISIS-it, pajisje elektronike si dhe uniforma ushtarake.
Perëndimi shpesh akuzon Turqinë se nuk ka punuar mjaftueshëm që ta ndalojë kalimin e xhihadistëve përgjatë vijës kufitare me Sirinë, por Ankaraja zyrtare i ka hedhur poshtë këto akuza duke thënë se e kontrollon ashpër kufirin.
