SHBA-ja, BE-ja dhe ministrat e Punëve të Jashtme të shumë vendeve evropiane vlerësuan të shtunën në një komunikatë të përbashkët se rikthimi i armëpushimit në Siri varet nga Rusia.
“I takon Rusisë të provojë se është e gatshme dhe se është në gjendje të marrë masa të jashtëzakonshme për të shpëtuar përpjekjet diplomatike, për të rikthyer armëpushimin në Siri”, thuhet në një komunikatë të firmosur nga ministrat e Punëve të Jashtme të katër vendeve evropiane, Francë, Itali, Gjermani, Britani e Madhe, të Përfaqësueses së lartë të BE-së dhe të sekretarit amerikan të Shtetit.
