Këshilli i Sigurimit ka emëruar sot edhe zyrtarisht Sekretarin e ri të Përgjithshëm të OKB-së.
Asambleja e Përgjithshme pritet të mblidhet javën e ardhshme për të miratuar emërimin e 67-vjeçarit Guterres.
Ban Ki-moon, 72-vjeçari nga Koreja e Jugut do të japë dorëheqjen në fund të këtij viti, teksa ka shërbyer për dy mandate në këtë post.
“Përvoja e tij si kryeministër portugez, njohuritë e tij të gjera të çështjeve botërore, dhe intelekti i tij do t’i shërbejë edhe në drejtimin e Kombeve të Bashkuara”, ka thënë Ban Ki-moon.
Guterres ka qenë kryeministër i Portugalisë nga viti 1995 deri në vitin 2002, ndërsa ka pasur edhe rolin e Komisionerit të Lartë të OKB-së për Refugjatët, nga viti 2005 deri një vit më parë.
