Shkencëtari i njohur, Stephen Hawking thotë se nuk mund ta shpjegojë se si është e mundur që një personazh si Donald Trump arriti të bëhej aq popullor. Komenti i tij është bërë në fund të majit, i publikuar dhe nga CNN, kur Trump ishte ende në garë brenda Partisë Republikane.
I pyetur gjatë intervistës për televizionin ITN, se si e shpjegon popullaritetin e Trump, Hawking u përgjigj: “Nuk mund ta shpjegoj. Është si misteri i panjohur i origjinës së universit”.
Nga ana tjetër shkencëtari i njohur tha se, e kupton shumë mirë fuqinë e Trump. Ai e quajti Trump demagog që kërkon mbështetjen e një elektorati të gjerë që përbën dhe nivelin më të ulët të shoqërisë.