Së paku tre vetë, përfshirë një anëtar të parlamentit, raportohet se janë plagsur sot nga eksplodimi i një bombe në kryeqytetin Kabul në Afganistan.
Zëdhënësi i Ministrisë së brendshme të Afanistanit, Najib Danish, tha sot se bomba ishte vendosur nën një urë dhe duket se cak i saj ishte ligjvënësi, Fakuri Behishti, që është nga provinca Bamijan në pjesën qendrore të Afganistanit.
Policia e ka konfirmuar këtë sulm dhe tha se ka ndodhur në lagjen Dashti Barchi në Kabul.
Fakuri Behishti ishte në rrugë e sipër për në parlament kur ndodhi eksplodimi. Raportohet se djali i tij, po ashtu, është plagosur.
Askush nuk e ka marrë përgjegjësinëpër këtë sulm me bombë.
Para një jave, tre militantë talibanë e kanë sulmuar shtëpinë e një anëtari të parlamentit nga provinca Helmand, duke i vrarë tetë civilë.