Arabia Saudite ka ndaluar importimin e mishit të pulës dhe viçit nga katër vendet e ndryshme të Brazilit, ku autoritet e vendeve të Amerikës së Jugut janë duke e hetuar shitjen e mundshme të mishit të prishur, shkruan Bloomberg.
Autoritetet e Agjencisë së Ushqimit dhe Veterinës së Mbretërisë ka ndaluar importimin e mishit të viçit, pulës dhe produkteve tjera të mishit që vijnë nga katër vende ku operon BRF SA, Seara Alimentos Ltda, JJZ Alimentos SA dhe Frango DM Industria e Comercio de Alimentos Ltda, shkruan agjencia e lajmeve Saudi Press.
Konsumatorët janë këshilluar që t’i shmangin produktet që vijnë nga këto katër vende. Këto katër vende që shpërndajnë mish nëpër botë, janë duke u hetuar nga autoritetet federale të Brazilit.
Arabia Saudite ka importuar 744 mijë ton të mishit të pulës nga Brazili gjatë periudhës nga shkurti i vitit 2016 deri në janar të këtij viti, duke e bërë atë blerësin e dytë më të madh pas Kinës dhe Hong Kongut.
Por gjatë të njëjtës periudhë ata kanë importuar edhe afro 28.676 ton mish të viçit.
