Kryeministri i Japonisë, Shinzo Abe, i ka bërë thirrje Koresë Veriore që të përmbahet nga marrja e veprimeve të tjera provokuese dhe t’iu bindet rezolutave të OKB-së, si dhe ta braktisë zhvillimin e raketave bërthamore.
Tensionet në gadishullin korean janë shkallëzuar pas testimeve të fundit të raketave nga Veriu dhe paralajmërimeve të SHBA-së.
Abe tha sot në Parlamentin e Japonisë se do të diskutojë rreth Koresë Veriore me presidentin rus, Vladimir Putin, gjatë një samiti në fund të këtij muaji.