Ndërkohë që kohët e fundit flitet masivisht për fundin e botës si dhe për nisjen e një luftë të tretë botërore, të shumtë janë ata që po nisin të shikojnë ndërtimin e bunkerëve si mënyrë serioze për të mbijetuar.
E me sa duket, këtë gjë nuk po e bëjnë vetëm njerëzit e thjeshtë të frikësuar për të ardhmen e tyre, por edhe shtetet e mëdha, të shqetësuara për atë që mund të ndodhë në vijim, veçanërisht pas tensioneve mes SHBA-së dhe Koresë së Veriut.
Ky që do të shikoni më poshtë është një bunker luksoz i ndërtuar në Savannah të Gjeorgjisë. Ai është i mbrojtur mjaft mirë. Dera kryesore është 90 cm e trashë, e ndërtuar me çelik dhe brenda në bunker ka kamera të shumta sigurie.
Projekti i këtij bunkeri ka kushtuar plot 17.5 milionë dollarë, dhe mund t’i rezistojë shpërthimit të bombave bërthamore. Ky bunker më shumë i ngjan një vile luksoze në të cilën nuk mungon asgjë, pasi brenda ka tualet me xhakuzi dhe dhoma gjumi.
