OKB kërcënon me sanksione të reja Korenë e Veriut - Bota Sot
OKB kërcënon me sanksione të reja Korenë e Veriut

Bota

E enjte, 27 prill 2017

OKB kërcënon me sanksione të reja Korenë e Veriut

Më: 21 prill 2017 Në ora: 02:55
Këshilli i Sigurimit i Kombeve të Bashkuara

Këshilli i Sigurimit i Kombeve të Bashkuara dënoi fuqishëm testin e fundit raketor të Koresë së Veriut dhe kërcënoi se do të vendosë sanksione të reja kundër Phenjanit për “sjelljen destabilizuese”.

Këshilli, me një deklaratë unanime, kërkoi që Koreja e Veriut “të mos kryejë më teste bërthamore” dhe tha se “aktivitetet e paligjshme raketore të Phenjanit janë duke rritur tensionet në rajon dhe përtej”.

Këshilli kërcënoi se do të ndërmarrë masa të tjera, përfshirë sanksione, për të trajtuar çështjen e Koresë Veriore.

“Nëse na duhet të nisim të shikojmë kah sanksionet ose veprimet e tjera, do ta bëjmë”, tha për gazetarët ambasadorja e SHBA-së në OKB, Nikki Haley.

Anëtarët e Këshillit të Sigurimit ranë dakord për deklaratën e hartuar nga SHBA pasi Rusia këmbënguli që nevoja për gjetjen e një zgjidhjeje paqësore përmes dialogut, të përfshihet në tekstin final.

Koreja e Veriut ka kryer në fundjavën e kaluar testin e fundit raketor, ndonëse ka dështuar.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh A besoni se Qeveria do ta perfundoj mandatin e saj?

    Qeveria ta përfundoj mandatin

    Qeveria do të bije, pasi do të prishet koalicioni

    Opozita do ta rrezoj qeverinë

    Shiko rezultatet
    test