Kina i ka bërë thirrje SHBA-ve dhe Koresë Veriore që “sa më parë” të vendosin kontakte, për të shmangur eskalimin e tensioneve për shkak të programit nuklear të Pjong-jangut.
Lajmi është bërë i ditur të martën nga zëdhënësi i Ministrisë së Jashtme të Kinës Geng Shuang pasi presidenti amerikan Donald Trump paralajmëroi se në të ardhmen mund të takohet me liderin e Koresë Veriore Kim Jong Un.
Trump tha për Bloomberg se do të ishte nder të takohet me Kim Jong Un, “nëse krijohen kushtet”.
Geng tha se Uashingtoni dhe Pjong-jangu duhet që të ndërmarrin veprime konkrete drejt paqes.
Kina u ka bërë thirrje të dyja palëve që të heqin dorë nga qëndrimet konfliktuoze, në hendekun e tensioneve në Gadishullin Korean për shkak të testeve raketore të Koresë Veriore dhe vendosjes së sistemit mbrojtës raketor amerikan në Korenë Jugore.