Ushtria turke ka njoftuar se kryengritësit kurdë kanë aktivizuar një lëndë të improvizuar shpërthyese në krahinën Haqari, në momentin kur po kalonte një automjet i ushtrisë.
Sulmi ndodhi në afërsi të qytetit Jusekova dhe me këtë rast u plagosen 17 ushtarë turqë, u theksua në komunikatën e ushtrisë.
Ushtarët u evakuuan me shpejtësi dhe u dërguan në spital, ndërsa katër prej tyre janë në gjendje kritike.
Ka tashmë mbi tri dekada që Partia Punëtore e Kurdistanit po lufton autoritetet turke dhe si pasojë e këtij konflikti deri me tani janë vrarë mbi 40 mijë njerëz. Turqia, Bashkimi Evropian dhe Shtetet e Bashkuara të Amerikës e cilësojnë si organizatë terroriste Partinë Punëtore të Kurdistanit.
