Të paktën 21 persona kanë vdekur dhe shtatë të tjerë konsiderohen të zhdukur pas mbytjes së një anije që transportonte emigrantë në Detin e Zi, pranë brigjeve të Turqisë, njoftoi roja bregdetare e turke.
“Rreth 40 emigrantë u shpëtuan në mesditë, por kërkimet vazhdojnë për shtatë ose nëntë persona të tjerë”, sipas një komunikate të rojës bregdetare.
“Një grua shtatzënë, që u transferua menjëherë në spital, e humbi fëmijën pavarësisht ndërhyrjes së mjekëve”.
“Mbytja ndodhi rreth 64 milje larg zonës së Kefkenit, në veriperëndim të Turqisë”, thekson në komunikatën e saj roja bregdetare.