Një tjetër tërmet me fuqi prej 6,1 shkallë të Rihterit e tronditi sot jugun e Meksikës, i cili u ndje deri në kryeqytet, katër ditë pas tërmetit që shkaktoi rreth 300 të vdekur në vend.
Epiqendra e tronditjes ishte në shtetin e Oksaka, në jug të Meksikës, njoftoi Instituti Sizmologjik Meksikan.
Mbrojtja civile njoftoi se nuk ka pasur dëme nga tërmeti i sotëm.
Ndërkohë që në kryeqytetin Meksiko vazhdojnë kërkimet për të gjetur të mbijetuar nga tërmeti i 19 shtatorit.