Krerët e biznesit të Evropës synojnë të mbajnë marrëdhënie tregtare me Iranin, pavarësisht nga kërcënimeve të SHBA-ve për prishje të marrëveshjes me Iranin, raporton The gardian, përcjell Bota sot.
Udhëheqësit e biznesit të BE-së kanë thënë se janë të gatshëm të bëjnë gjithçka që munden për të shpëtuar marrëveshjen bërthamore të Iranit në rast të një tërheqjeje të SHBA-së.
Këtë lajm e bëri të ditur Agjencia Daneze e kreditit, e cila dha garanci për eksport në Teheran pavarësisht kërcënimeve të Donald Trump për të anuluar këtë marrëveshje.
Presidenti amerikan thuhet se ka vendosur që javën e ardhshme të anuloj marrëveshjen bërthamore me Iranin.
Të enjten, ai i tha udhëheqësve ushtarakë të SHBA-së se Teherani nuk po zbaton këtë marrëveshje.
Trump pritet të vendos të mos vazhdojë marrëveshjen, por komuniteti i biznesit në Evropë shpreson se përfitimet ekonomike të marrëveshjes do të inkurajojnë Iranin të qëndrojë në angazhimet e veta.
Duke folur në forumin Evropa-Iran në Cyrih këtë javë, Helga Schmid, sekretari i përgjithshëm i Shërbimit Evropian të Veprimit të Jashtëm, siguroi drejtuesit e biznesit se BE ishte e angazhuar ndaj marrëveshjes, duke thënë se "si evropianë do të bëjmë gjithçka për ta siguruar që ajo mos të prishet”.
Udhëheqësit e biznesit nga Irani dhe Evropa u mblodhën për konferencën dy-ditore në Zvicër për të shqyrtuar mundësitë e investimeve, por pasiguria përpara vendimit të Trump ka krijuar një atmosferë frike, edhe pse shumë besojnë se marrëveshja mund të mbijetojë përfundimisht.
Refuzimi i Trump për të vërtetuar nuk do të thotë automatikisht se sanksionet do të kthehen në vendin e duhur, edhe pse kjo mbetet si skenari më i keq.