Një automjet ushtarak është përplasur me një grup të ushtarëve të premten pasdite në bazën ushtarake amerikane "Fort Jackson" në afërsi të Kolumbias, në Karolinën e Jugut, raporton the Express, përcjell Bota sot.
Si pasojë e saj, dy ushtarë kanë mbetur të vdekur dhe gjashtë të tjerë janë plagosur gjatë aksidentit.
Fillimisht, zyrtarët në bazë kanë thënë se dy nga ushtarët që u goditën janë aktualisht në gjendje kritike.
"Një aksident tragjik që përfshinte një automjet ushtarak dhe një formacion trupash rezultoi në vdekjen e dy ushtarëve dhe plagosi gjashtë të tjerë, dy në mënyrë kritike, thuhet në një deklaratë publike të bazës ushtarake.